നിന്നെ ആര് അറിയും 

നിനക്ക് വേണ്ടി ഒന്നും ശബ്ദം ഉയർത്താൻ ഒരാൾ പോലും ഉണ്ടാകണമെന്നില്ല 

ഇനി നീയായി ഉറക്കെ ശബ്ദിച്ചാൽ പോലും 

ആ നിലവിളി കേൾക്കണമെന്നില്ല 

ചുരുങ്ങിയത് ഒരു പത്തുപേരെങ്കിലും നിന്നെ അറിയണം 

എങ്കിലേ നിനക്ക് വേണ്ടി ഘോരം ഘോരം പ്രസംഗിക്കാനും 

സമരം വിളിക്കാനും നാലു നാവു പൊന്തുകയുള്ളു 

അല്ലെങ്കിൽ ഈ നാറിയ മാധ്യമപ്രചരണങ്ങളും , പിന്നെ ഈ സോഷ്യൽ മീഡിയയിലെ നിനക്ക് വേണ്ടി 

വസ്ത്രം അല്പം ഒന്ന് അയഞ്ഞു കിടന്നാൽ , നീ തന്റേടത്തോടെ രണ്ടു വാക്ക് സംസാരിച്ചാൽ 

നിനക്ക് ഇഷ്ടപെട്ട ജോലി ചെയ്താൽ, ഇഷ്ട വസ്ത്രം ധരിച്ചാൽ , എന്തിനും ഏതിനും നീ സ്ത്രീയായതു കൊണ്ട് മാത്രം നിഷേധിക്കപ്പെട്ട ഒരു വിഭാഗം മാത്രമാണ്

നിന്നെ പീഡിപ്പിച്ചതിന് നീ തന്നെ ഉത്തരവാദിത്വം ഏറ്റെടുക്കേണ്ടി വരുന്ന 

സംസ്ക്കാര പ്രബുദ്ധരുടെ നാടാണ് സോദരി 

അവിടെ അല്പം പേരും പ്രശസ്തിയും കൂടി  ഇല്ലെങ്കിൽ 

നീ തനിച്ചാണ് , 

നാളെ  ഞാൻ ആയിരിക്കാം , അല്ലെങ്കിൽ എന്റെ മറ്റൊരു സഹോദരി 

ഒരു ശാരിയോ  സൗമ്യയോ ആയി എരിഞ്ഞു  തീരുന്ന ജന്മങ്ങൾ 

തെളിവുകൾ പരതി, നാറിയ നിയമങ്ങൾ മാത്രം ബാക്കിയാക്കി 

കണ്ണ് കെട്ടി തുലാസിൽ ആടി തീർത്ത എത്രയെത്ര  ജീവിതങ്ങൾ

- മറിയകുട്ടി