നീ , ബാബിലോൺ  എന്ന സുന്ദരമായ നഗരത്തിനു അവകാശിയായി , ഇന്നും ദുരുഹതയായി അവശേഷിക്കുന്ന സുന്ദരി 

എവിടെയോ എപ്പോഴോ നീ ഒരു നഗരത്തെ മുഴുവൻ നിന്റെ വശ്യതയിൽ കൈവരിച്ചിരുന്നിട്ടുണ്ടാകാം

ആർക്കു വേണ്ടിയാണു നീ  സ്വയം നഷ്ടപെട്ടത് , ഒരു ഓര്മ പോലും അവശേഷിപ്പിക്കാതെ 

നിന്റെ മോഹനസൗന്ദര്യം ലോകത്തിനു മുൻപിൽ മറവു ചെയ്യപ്പെട്ടിരിക്കുന്നു .

ഹേ ബാബിലോൺ സുന്ദരി , നിനക്ക് വേണ്ടി പ്രണയപരവശരായ  ഒരു  ജനത മുഴുവൻ കാത്തിരിക്കുകയാണ് 

ചരിത്രം നീയുമായി രമ്യതപ്പെടുവാൻ ആഗ്രഹിക്കുന്നു , കാലചക്രങ്ങളെ ഭേദിച്ച് കൊണ്ട് 

നീ ഈ മണ്ണിൽ വീണ്ടും പിറക്കണം  ,

 പ്രണയം നഷ്ടപെട്ട ഈ ലോകത്തിനു മുൻപിൽ 

അനശ്വര സ്നേഹത്തിന്റെ സുഗന്ധവാഹിനിയായി നീ ഉയർത്തെഴുനെല്കുക 

അവിടെ, നിന്റെ പുഷ്പലതാദികളുടെ ഗന്ധം ശ്വസിച്ചു കൊണ്ട് എനിക്ക് മരിക്കണം 

എന്റെ പ്രണയം നിന്റെ അസ്തിത്വത്തിൽ കലർന്നു അലിഞ്ഞു ചേരുമ്പോൾ 

ഞാൻ നിന്റേതായി മാറും , നീയും ഞാനും ലോകത്തിനു മുൻപിൽ 

കലർപ്പില്ലാത്ത പ്രണയത്തിന്റെ പുതിയ അവകാശികൾ ആയി മാറും .

- മറിയകുട്ടി